Dövlət Neft Fondunda ilin sonuna yığılacaq vəsaitin miqdarı açıqlanıb

2021-ci ilin sonunda ARDNF-nin aktivləri təxminən 45 milyard dollar təşkil edib. Beləliklə, 2022-ci ildə fondun aktivlərinin artımı 4% təşkil edəcək. 

Maliyyə Nazirliyi neftin dünya bazarında qiymətindən asılı olaraq Neft fondunun aktivləri üçün 3 ssenari tərtib edib. 

Baza ssenarisinə görə, neftin orta qiymətinin 50 dollar/barel olması ilə ARDNF-nin aktivləri 2024-cü ilə qədər 45,4 milyard dollar təşkil edəcək.

Optimist ssenariyə görə,  neftin orta qiyməti 60 dollar/barel olması ilə  ARDNF-nin aktivləri 2024-cü ilə qədər 46,4 milyard dollar təşkil edəcək.

Pessimist ssenariyə əsasən isə  neftin orta qiymətinin 40 dollar/barel olması şərti ilə  2024-cü ilə qədər ARDNF-nin aktivləri 44,4 milyard dollar təşkil edəcək.

Eyni zamanda, Maliyyə Nazirliyi bildirir ki, beynəlxalq qurum və agentliklərin proqnozlarına əsasən, 2023-cü ildə Brent markalı neftin orta qiyməti 91-95 dollar/barel təşkil edəcək.

Maliyyə Nazirliyi onu da bildirib ki, neftin qiymətinin orta hesabla 10 dollar/barel ucuzlaşması Azərbaycanın icmal büdcəsinin gəlirlərinin ildə orta hesabla 2,2 milyard manat (təxminən 3 milyard dollar) azalmasına səbəb olur.

30 sentyabr 2022-ci il tarixinə ARDNF-nin aktivləri 45 milyard 386,4 milyon ABŞ dolları (2021-ci ilin sonundakı göstəricidən +0,8%) qiymətləndirilir.

Azərbaycan Neft Fonduna neft və qaz müqavilələrinin həyata keçirilməsindən əldə edilən gəlirlərin akkumilyasiyası üçün yaradılıb.