2023-cü ildə büdcə güzəştləri 7 mlrd manatdan çox olacaq

"2023-cü ildə vergilər və gömrük ödənişləri (dövlət büdcəsinə ödənişlərdən azad edilən) üzrə güzəştlərin həcmi 7 milyard 823,2 milyon manat proqnozlaşdırılır ki, bu da 2022-ci ilin sonuna gözlənilən göstəricidən 7,5% və ya 545,5 milyon manat çoxdur” , - Maliyyə Nazirliyinin məlumatında bildirilir. 

2023-cü ildə ən çox güzəştlər ölkədaxili əməliyyatlar üzrə ƏDV-nin - 2 milyard 989,1 milyon manat, gəlir vergisinin - 1 milyard 995,8 milyon manat, idxal gömrük əməliyyatları üzrə ƏDV-nin - 783,8 milyon manat, gəlir vergisinin - 598,5 milyon manat, gömrük idxal rüsumları - 818,3 milyon manat, əmlak vergisi - 293 milyon manat payına düşür. Qalanı isə digər vergilərdir.