Azərbaycanda pərakəndə ticarət dövriyyəsi artıb

Məlumatda bildirilir ki, ərzaq, içki və tütün məhsulları üçün 25354,3 milyon manat, qeyri-ərzaq malları üzrə isə 19756,7 milyon manatlıq mallar satılıb.

Keçən ilin eyni dövrü ilə müqayisədə pərakəndə ticarət dövriyyəsi 3,0 faiz, ərzaq məhsulları, içkilər və tütün məmulatları üzrə 2,2 faiz, qeyri-ərzaq malları üzrə 3,8 faiz artıb. 

 

Bu ilin yanvar-noyabrında alıcıların mallara xərclədiyi vəsaitin 51,7 faizi ərzaq məhsullarının, 4,5 faizi içkilər və tütün məmulatlarının, 14,7 faizi toxuculuq məhsulları, geyim və ayaqqabıların, 5,6 faizi avtomobil benzini və dizel yanacağının, 5,0 faizi elektrik malları və mebellərin, 2,1 faizi əczaçılıq məhsulları və tibbi ləvazimatların, 1,0 faizi kompüterlər, telekommunikasiya avadanlıqları və çap məhsullarının, 15,4 faizi isə digər qeyri-ərzaq mallarının alınmasına sərf olunub.

 

Aytac Zeynalova