Azərbaycanda inflyasiya 13,1% təşkil edib
12.06.2023 17:39
2023-cü ilin yanvar-mayında Azərbaycanda istehlak qiymətləri indeksi ötən ilin eyni dövrü ilə müqayisədə 13,1% artıb. Bu barədə Dövlət Statistika Komitəsi məlumat yayıb.
İstehlak qiymətləri indeksi ərzaq məhsulları, içkilər və tütün məmulatları üzrə 15,8%, qeyri-ərzaq məhsulları üzrə 11,6%, əhaliyə göstərilmiş ödənişli xidmətlər üzrə 10,6 % artıb.
Ötən ay istehlak qiymətləri indeksi əvvəlki ayla müqayisədə 0,4% azalıb, ötən ilin aprelinə nisbətən isə 11,5 % artıb.
Cari ilin yanvar-aprelinin yekununda illik inflyasiya 13,5% olub.
Mayda əhaliyə göstərilmiş ödənişli xidmətlər üzrə istehlak qiymətləri indeksi aprellə müqayisədə 0,3 %, ötən ilin mayına nisbətən 10,5 % artıb.
Əhaliyə göstərilmiş ödənişli xidmətlərdən artım əsasən mənzillərin icarə haqlarında, paltarların, məişət cihazlarının, mənzillərin təmiri, ictimai iaşə, bərbərxana və kosmetoloji xidmətlərin qiymətlərində, azalma isə hava nəqliyyatı ilə beynəlxalq sərnişindaşıma xidmətlərinin qiymətlərində müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.
Azərbaycanda orta illik inflyasiya 2021-ci ildəki 6,7%-ə qarşı 2022-ci ildə 13,9% təşkil edib. Azərbaycan hökuməti inflyasiyanın artımını dünyada idxalın bahalaşması və ərzaq məhsullarının qiymətinin artması ilə əlaqələndirir.
2023-cü il üçün Azərbaycanda orta illik inflyasiya proqnozu 8,3% təşkil edir.
2023-cü il üçün Azərbaycanda orta illik inflyasiya proqnozu 8,3% təşkil edir.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
