Azərbaycan iqtisadiyyatında özəl sektorun payı 86,5%-ə çatıb

 

Musayevin fikrincə,  son 20 ildə ölkədə aparılan iqtisadi islahatlar sayəsində Azərbaycanda ümumi daxili məhsul 3,6 dəfə artıb.

 

"20 il ərzində adambaşına düşən ÜDM 769 dollardan 7798 dollara yüksəlib. Bu dövrdə qeyri-neft ÜDM-in nominal həcmi 4,1 milyard dollardan 41,1 milyard dollara yüksəlib", - o vurğulayıb.

Musayev əlavə edib ki, 20 il ərzində ölkənin xarici ticarət dövriyyəsi 9,5 dəfə, qeyri-neft ixracı 8,9 dəfə artaraq 3,3 milyard dollara çatıb.

Azərbaycanın xarici borcuna gəlincə, o qeyd edib ki, 2003-cü ildə bu rəqəm ÜDM-in 21,6%-ni təşkil edirdisə, 2022-ci ildə 10%-dən də az olacaq.

Musayev onu da bildirib ki, bu gün Azərbaycanda sahibkarların sayı 759 mini ötüb: "Ümumilikdə ölkədə sahibkarların 99,6 faizi mikro, kiçik və orta bizneslə məşğuldur”.

Musayev əlavə edib ki, Azərbaycan prezidenti İlham Əliyevin təşəbbüsü ilə sahibkarlıq subyektlərində aparılan yoxlamalara moratorium 2025-ci ilə qədər uzadılıb.