Naxçıvanda yeni nəsil kassa aparatları ilə dövriyyə artıb

2025-ci ilin birinci rübündə Naxçıvanda yeni nəsil nəzarət-kassa aparatları (NKA) vasitəsilə qeydə alınan dövriyyə 101,5 milyon manat olub ki, bu da ötən ilin eyni dövrü ilə müqayisədə 11,1 % çoxdur. Bu barədə İqtisadiyyat Nazirliyi yanında Dövlət Vergi Xidməti məlumat yayıb.

"Yeni nəsil NKA-ların tətbiqi istiqamətində işlər davam etdirilir", - deyə məlumatda qeyd olunub.

2024-cü ilin iki ayında ölkədə yeni nəsil nəzarət-kassa (NKA) aparatları üzrə dövriyyə 3 milyard 908,2 milyon manat təşkil edib ki, bu da ötən ilin eyni dövrü ilə müqayisədə 9,7% çoxdur.

Azərbaycanda vergi ödəyiciləri 2024-cü il yanvarın 1-nə 95,741 min ədəd yeni nəsil nəzarət-kassa aparatı quraşdırıb. Keçən ili noyabrında  798 ədədə qarşı dekabrda kassa aparatlarının sayı 923 ədəd olub.

Aytac