Azərbaycanda istehlakçılara qaytarılan ƏDV-nin həcmi 124,7 milyon manatı ötüb

Bu ilin səkkiz ayında Azərbaycanda istehlakçılara qaytarılan əlavə dəyər vergisinin (ƏDV) həcmi 124,7 milyon manat təşkil edib. Bu barədə İqtisadiyyat Nazirliyi yanında Dövlət Vergi Xidməti məlumat yayıb.

ƏDV-nin qaytarılması ölkə daxilində pərakəndə ticarət və iaşə fəaliyyəti göstərən sahibkarlardan alınmış mallar və xidmətlər üzrə həyata keçirilib. Neft və qaz məhsulları, avtomobillər, alkoqollu içkilər və tütün məmulatları istisna olunub.

Qaytarılan məbləğə teatr, kino, muzey və simfonik konsert xidmətləri, eləcə də özəl tibbi xidmətlər üzrə ödənilmiş ƏDV daxildir.

Hesabat dövründə ölkə ərazisində xarici vətəndaşlara “tax free” sistemi çərçivəsində qaytarılan ƏDV-nin məbləği isə 6,9 milyon manat olub.

Gülnar