Naxçıvanın büdcəsinə vergi daxilolmaları 233 milyon manata çatıb

2025-ci ilin on bir ayında Naxçıvanda Dövlət Vergi Xidməti vasitəsilə büdcəyə daxil olan vergi 233 milyon manata yaxın olub, bu da ötən ilin eyni dövrü ilə müqayisədə 14,9% və ya 30,2 milyon manat çoxdur.

Qeyri-dövlət sektorundan daxilolmalar 166,6 milyon manat təşkil edib ki, bu da ötən ilin müvafiq dövrü ilə müqayisədə 21,6% və ya 29,6 milyon manat artım deməkdir.

Ödənilən vergilərin 71,5%-i qeyri-dövlət, 28,5%-i isə dövlət sektorunun payına düşüb.

Eyni dövrdə işsizlikdən sığorta haqları üzrə daxilolmalar 4,1 milyon manata yaxın olub, ötən ilə nisbətən 4,1% artıb. İcbari tibbi sığorta haqları üzrə ödəmələr isə 27,6 milyon manatı ötərək 2024-cü ilin eyni dövrü ilə müqayisədə 8% artıb.

Gülnar Nazimqızı