Azərbaycanda yumurtlayan toyuqların sayı azalıb

Azərbaycanda quşçuluq müəssisələrində kəsilmək üçün diri çəkidə 85 min 146 ton quş satılıb ki, bu da ötən illə müqayisədə 3,5% artım deməkdir. Bu barədə Dövlət Statistika Komitəsi məlumat yayıb.

Rəsmi statistikaya görə, müəssisələrdə 1 milyard 193 milyon 320 min ədəd toyuq yumurtası istehsal olunub. Bu göstərici illik müqayisədə 3,9% çoxdur.

Bununla yanaşı, məhsuldarlıq göstəricilərində zəifləmə qeydə alınıb. Hər yumurtlayan toyuqdan orta hesabla 246 ədəd yumurta əldə edilib ki, bu da ötən illə müqayisədə 0,8% azalma deməkdir.

Ümumilikdə quşların sayı 12 milyon 580 min 165 baş təşkil edib. Onlardan 4 milyon 655 min 737-si yumurtlayan toyuqlardır. Statistikaya əsasən, yumurtlayan toyuqların sayı son bir ildə 0,8% azalıb.