İKZF xətti ilə verilən kreditlər 3,8% azalıb

Bu ilin yanvar-iyulunda İpoteka və Kredit Zəmanət Fondunun (İKZF) xətti ilə 237,8 milyon manat kredit verilib. Bu, ötən ilin eyni dövrü ilə müqayisədə 3,8% azdır. Bu barədə Azərbaycan Mərkəzi Bankı (AMB) məlumat yayıb. 

Hesabat dövründə Fondun yenidən maliyyələşdirdiyi kreditlərin məbləği də 20,8% azalaraq 204,1 milyon manat olub.

İKZF-nin istiqraz buraxmaqla cəlb etdiyi vəsaitin məbləği 18,9% azalaraq 300 milyon manat təşkil edib.

Bununla yanaşı, Fondun dövlət büdcəsindən aldığı vəsait artıb. Belə ki, büdcədən ayrılan vəsaitin məbləği 33,4% artaraq 63,9 milyon manata çatıb.

Ötən ilin yanvar-iyulunda İKZF xətti ilə verilən kreditlərin həcmi təxminən 247,2 milyon manat təşkil edib. 

Gülnar Nazimqızı