Azərbaycan və AIIB "yaşıl enerji"nin təşviqinə dəstəyi müzakirə edib

Azərbaycan və Asiya İnfrastruktur İnvestisiya Bankı (AİİB) arasında yaşıl iqtisadiyyata keçid və dayanıqlı infrastrukturun inkişafı sahəsində əməkdaşlığın genişləndirilməsi məsələləri müzakirə olunub.Bu barədə iqtisadiyyat naziri Mikayıl Cabbarov “X” hesabında paylaşım edib.

Onun sözlərinə görə, məsələ Dohada keçirilən AİİB-in 11-ci İllik Toplantısı çərçivəsində bankın prezidenti Zou Jiayi ilə görüşdə müzakirə edilib.

“Azərbaycanın həmtəsisçisi olduğu AİİB ilə tərəfdaşlığa önəm veririk. Bankın üzv ölkələrdə infrastrukturun inkişafına, dayanıqlı inkişafa və yaşıl iqtisadiyyata keçidə dəstəyi barədə fikir mübadiləsi apardıq”, - Cabbarov qeyd edib.

Nazir bildirib ki, Asiya regionunda iqtisadi artımın dəstəklənməsi və infrastrukturun təkmilləşdirilməsi üzrə layihələrdə əməkdaşlığın genişləndirilməsi imkanları da müzakirə olunub.