SOCAR-ın Türkiyədəki milyardlıq layihəsi - REPORTAJ+VİDEO

Türkiyə və Azərbaycanın strateji tərəfdaşlığı iki ölkənin birgə reallaşdırdığı layihələrlə güclənir. APA TV-nin Türkiyəyə ezam olunmuş əməkdaşının verdiyi xəbərə görə, "SOCAR Türkiyə"nin rəhbəri Kənan Yavuz İstanbulda bir qrup jurnalistə açıqlamasında bildirib ki, birgə layihələr bölgədə sülhə və siyasi sabitliyə yol açacaq.

Türkiyədə ən böyük xarici sərmayadar şirkəti olan Dövlət Neft Şirkətinin Petkim adasında həyata keçirdiyi ən böyük layihələrdən biri Star Neft emalı zavodudur. Bu günə kimi 300 milyon dollar vəsait sərf edilib.

Sahə işlərinin 42 faizi artıq başa çatıb. Proses sürətlə davam etdirilir. Zavodda ildə 10 milyon ton məhsul istehsal ediləcək. Bunun 5 milyonu dizel, 1,7 milyon tonu nafta olacaq. Türkiyə zovudun tikintisinə kimi bu məhsulu ərazidə mövcud olan yeganə emal zavodu TÜPRAŞ və ya xaricdən alıb. Bundan başqa, zavodda təyyrə yanacağı, digər məhsullar da emal olunacaq.

SOCAR-ın 61 faiz səhmdarı olduğu Petkim kompleksində Türkiyənin standartlara uyğun konteyner limanı tikilir.

Limanın tikinti işləri iki fazada aparılır. Birinci faza 2015-ci ilin iyununda tamamlanacaq.

Limanın tikintisi dünyanın ən böyük konteyner limanı şirkəti olan Hollandiyanın APMT şirkəti aparır. Şirkət Petkimlə limanın 28 illik istifadəsi barədə müqavilə imzalayıb.

Petkim kompleksinə kadrlar hazırlamaq üçün adada Heyər Əliyev adına peşə liseyi fəaliyyət göstərir. hazırda liseydə 55 Azərbaycanlıtələbə təhsil alır. Onlar Azəbaycanın müxtəlif regionlarından SOCAR-ın elan etdiyi qəbula əsasən 8-ci sinfdən götürülür.