Oxu.Az xəbər verir ki, bu sözləri energetika naziri Natiq Əliyev Böyük Britaniya və Şimali İrlandiya Birləşmiş Krallığının Azərbaycandakı keçmiş fövqəladə və səlahiyyətli səfiri İrfan Siddiq ilə görüşündə deyib. 

"Mayın 17-də Yunanıstanın Saloniki şəhərində TAP-ın təməlinin qoyulması ilə bu layihənin də icrasına rəsmi start veriləcək. Bununla da "Cənub Qaz Dəhlizi”nin reallaşması istiqamətində hər hansı maneə qalmayacaq”, - deyə nazir çıxışında qeyd edib. 

Nazir layihənin genişləndirilməsinin və Balkan ölkələrinin qaza olan tələbatının ödənilməsinə imkan verəcək interkonnektorların tikintisinin də vacibliyini bildirib.