Amma bəzən gündüz vaxtlarda çıraqların yandığının şahidi oluruq. Təəssüf ki, israfçılıq kimi qəbul edilən bu halla ANN.Az fotoreportyoru Dənizkənarı Bulvar ərazisində də rast gəlib. Fotolar səhər saat 10 radələrində kameranın yaddaşına köçürülüb. Fotolardan göründüyü kimi, lampalar söndürülməyib. Bu məsələ ilə bağlı Dənizkənarı Bulvar İdarəsinin rəis müavini Nazim Məcidova müraciət etdik. 

Nazim Məcidov bu kimi halların bulvar ərazisində vaxtaşırı baş verdiyini təsdiq edib: "Bizim elektrik briqadası nasazlıq, bulvar boyu ərazidə lampalar xarab olduqda işıqları işlək vəziyyətdə saxlayırlar ki, həmin o lampaların yerini təyin edib, onları dəyişsinlər. Bu hal bizdə vaxtaşırı olur. Çünki lampalar bir müddətdən sonra xarab olur, onları axşama qədər dəyişmək lazım gəlir". 

İdarə rəsmisi onu da qeyd edib ki, səhər saatlarından bütün bulvar ərzisində işıqlar yanmır: "Bu durum yalnız bulvar ərazisinin bir hissəsində ola bilər. Bulvarın işıqlanması hissə-hissə olduğundan (yəni bir neçə metr əraziyə qədər olan hissə) mümkün deyil ki, səhər saatlarında bulvarın bütün ərazisində işıqlar yansın. Bir daha vurğulayıram ki, işıqların yanması yalnız bir hissədə ola bilər. Bu planlaşdırılmış işdi, yəni biz proflaktik tədbirləri görmək üçün səhər saatlarında öz işimizi görmək üçün işıq dirəklərində lampaları yanıq saxlayırıq".