İran kosmosa hərbi peyk göndərib
06.12.2024 17:07
İranın iki mərhələli Simorgh raketdaşıyıcısı dekabrın 6-da səhər ölkənin Müdafiə Nazirliyinin ehtiyacları üçün hazırlanan Fakhr-1 peykini orbitə çıxarıb. Bu barədə Tasnim agentliyi məlumat yayıb.
Məlumata görə, peykin uğurlu buraxılışı İmam Xomeyni adına kosmodromdan həyata keçirilib. Fakhr-1, peykləri daha yüksək orbitə çıxarmaq üçün nəzərdə tutulan Saman-1 sürətləndirici modulu ilə birlikdə orbitə buraxılıb. Bildirilir ki, hərbi peykin komponentlərinin əksəriyyəti İran şirkətləri tərəfindən dizayn edilib və istehsal olunub.
Buraxılış zamanı İranın kosmik sənayesində yeni bir rekord müəyyən edilib. Faydalı yük qaldırma potensialı bu dəfə 300 kiloqrama çatdırılıb.
İranın kosmik aparatlarının bundan əvvəlki buraxılışı 5 noyabrda baş tutub O zaman Kowsar və Hodhod peykləri Space Omid adlı özəl şirkət tərəfindən Rusiyanın "Soyuz-2.1b" raketdaşıyıcısı vasitəsilə orbitə çıxarılmışdı.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
