Görüntülərdə qara rəngdə geyinən kişi və onun bir az qarşısında olan qadın diqqət çəkir. Terrorçu əvvəlcə ətrafa göz gəzdirir, daha sonra isə irəliyə - küçənin mərkəzinə doğru hərəkət etməyə başlayıb və özünü partladır.

Ötən gün səhər saat 11 radələrində İstanbulun ən turistik ərazilərindən biri olan İstiqlal caddəsində - Taksim meydanı yaxınlığında terrorçu-kamikadze özünü partladıb.

Terror aktı nəticəsində 5 nəfər ölüb, 7 nəfəri ağır olmaqla 39 nəfər yaralanıb. Ölənlərdən biri terrorçu-kamikadzedir. İstanbul valisi Vasip Şahin bildirib ki, yaralılardan 24 nəfəri xarici ölkə vətəndaşıdır.

Onun sözlərinə görə, yaralılardan 9-u xəstəxanadan buraxılıb, 7 nəfərin vəziyyəti isə ağır olaraq qalır. Terror hadisəsi ilə bağlı cinayət işi açılıb və işi 5 prokuror araşdıracaq. Terror hadisəsini başda ABŞ və NATO olmaqla bir sıra dövlətlər ən sərt şəkildə qınayıb.

İstanbuldakı terror aktı ilə bağlı yayılan ilk video aşağıdakıdır.