Həftəsonu üçün 8 tamaşa və “Xocalıda qırmızı mələk”- Fotolar

 

Teatrın mətbuat xidmətindən ANN.Az-a verilən məlumata görə, bu gündən başlayaraq teatrda saat 14.00 və 16.00-da S.Rüstəmin "Çimnaz xanım yuxudadır”, fevral ayının 20-də saat 12.00-da A.Tolstoyun "Balaca və damda yaşayan Karlson”, saat 16.00 və 19.00-da Ə.Haqverdiyevin "Xortdanın cəhənnəm məktubları”, bazar günü – fevral ayının 21-də saat 12.00 və 14.00-da X.K.Andersenin "Çirkin  ördək balası”, saat 19.00-da V.Siqarevin "Ağ ölüm” tamaşaları nümayiş etdiriləcək.

 

Fevral ayının 22-də  saat 16.00-da Dövlət Gənc Tamaşaçaılar Teatrında "Xocalıya ədalət” beynəlxalq kampaniyası çərçivəsində "Xocalıda qırmızı mələk” tamaşasının premyerası keçiriləcək. Tamaşa Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə İtaliyanın "Associazione Arci Bellezza” təşkilatı tərəfindən hazırlanıb. İtalyan aktyorların iştirakı ilə hazırlanmış bu tamaşa Milan şəhərinin "Teatro Filodrammatici” teatrında nümayiş etdirilib və yerli ictimaiyyət tərəfindən böyük maraqla qarşılanıb. Tamaşanın uğurla hazırlanmasını nəzərə alaraq, Şura onun yaradıcı heyətini Azərbaycana dəvət edib.

 

Səhnə əsərinin ssenari müəllifi Səbuhi Məmmədli, quruluşçu rejissoru Nihad İsadır.