Dünyaca məşhur model Bakıya gəldi - FOTO

Dünən, mart ayının 12-də gecə Bakıya Azərbaycan əsilli dünya şöhrətli model Byanka Balti gəlib.1news.az xəbər verir ki, Bakıya çatar-çatmaz öz Facebook səhifəsində şəkillər paylaşan model “Welcome to Baku!!!” statusunu paylaşıb.Qeyd edək ki, 29 yaşlı modelin anası etnik azərbaycanlı, Dolce&Gabbana şirkətinin üzü Məryəm Bikə Mərzanidir. Byankanın tərcümeyi halına dair bütün arayışlarda bu haqda məlumat var. Model özü də çoxsaylı müsahibələrində öz gözəlliyini anasından miras aldığını deyib.20 yaşlı Byankaya ciddi şəkildə model həyatı haqqında düşünməyi təklif etdilər. Qısa saçlı, pirsinqli Byanka anası ilə bərabər Brave Models agentliyinə gəlir. Dünya model agentlikləri üçün “yeni üz axtaran” Skaut, onun model biznesinin peşəkarları ilə görüşməsinə inad edir. Amma Byankanın anası – yeri gəlmişkən azərbaycanlı, - qızını tək buraxmağa ürək etmir və onunla gəlir.Model öz anasını gözəllik etalonu hesab edir.“Sözsüz ki, bu, mənim anamdır! O, indiyə qədər ecazkardır. Ona təbii incəlik xasdır”, - Byanka deyib.Qeyd edək ki, modelin anası ilə şəkilləri də yayılıb.Supermodel anası və qızı Matilda ilə L'Oreal-ın keçirdiyi “Döş xərçənginə qalib gələk!” adlı xeyriyyə aksiyası üçün şəkil çəkdirib.//Oxu.az