"Pantomima"nın yanvar afişası

Azərbaycan Dövlət Pantomima Teatrının yanvar repertuarı maraqlı tamaşalarla zəngindir.

Teatrdan AzərTAc-a bildiriblər ki, yanvarın 4-də C.Dadaşovun “Mən və Mən”, ayın 5-də N.Qəribovanın və C.Dadaşovun birgə hazırladıqları “Katarsis” tamaşaları nümayiş etdiriləcək.

Teatrın kollektivi yanvarın 11-də A.Ryünoskenin “Kesa və Morito”, ayın 12-də Z.Zeynalovun “Maska” tamaşalarını təqdim edəcək.

Pantomima tamaşası həvəskarları yanvarın 18-də Ç.Aytmatovun “Manqurt”, ayın 19-da B.Xanızadənin “Unutmayaq” tamaşalarına baxa biləcəklər.

“Məlikməmməd” xalq nağılı əsasında böyüklər üçün hazırlanmış eyniadlı tamaşa yanvarın 25-də, B.Xanızadənin “No comment” tamaşası isə ayın 26-da nümayiş etdiriləcək.

Həmişə olduğu kimi, bu dəfə də Dövlət Pantomima Teatrının kollektivi balaca tamaşaçılarını unutmayıb. Yanvarın 12-də və 26-da teatrın gündüz seansında A.Şaiqin “Tıq-Tıq”, ayın 18-də isə A.Eqzüperinin “Balaca şahzadə” tamaşaları göstəriləcək.

ANN.Az