Yayın cəhənnəm kimi istisindən, şəhərin səs-küyündən, şəxsi problemlərdən qaçıb hansısa künc-bucaq axtarır insan... Əksər vaxtlar isə bunu bacara bilmir, hara gedirsə, problemləri də, özünü də özü ilə aparır. Dinclik tapa bilmir, rahatlığa həsrət qalır.
Amma, əziz oxucular, inanın ki, sizlərə hüzur, rahatlıq verə biləcək yerlər var bu həyatda, lap elə Bakıda da. Sadəcə, bir a axtarış aparmaq, ətrafa diqqətlə baxmaq lazımdır. Məsələn, elə birini biz təklif edək - İçəri Şəhərdə yerləşən Miniatür Kitab Muzeyi. Girişi də pulsuzdur. İçəri daxil olanda klassik musiqinin müşayiəti ilə uzun müddət axtarışında olduğun sakitliyin, rahatlığın ağuşuna atılırsan və inan, oradan heç çıxmaq istəməyəcəksən.
ANN.Az bütün sakitlik və hüzur axtaranları Miniatür Kitab Muzeyinə səyahətə dəvət edir. Buyurun, hazırlanan fotosessiya ilə tanış ola bilərsiniz.
Fotoların müəllifi Fərqanə Novruzovadır
www.ann.az
Bizi sosial şəbəkələrdə izləyin !
