Etibar Məmmədov siyasətə qayıdır? - AÇIQLAMA

AMİP lideri müxalifət düşərgəsində cərəyan edən proseslərdən danışıb.

Milli İstiqlal Partiyasının (AMİP) lideri Etibar Məmmədov yenicag.az-a açıqlamasında bir qrup müxalifət partiyası tərəfindən Azərbaycan Xalq Hərəkatının (AXH) yaradılmasına münasibət bildirib.

Etibar Məmmədov bütün hallarda ölkədə siyasi fəallığın yüksəlməsinin müsbət hal olduğunu deyib:

"Siyasi fəallığın olması hər zaman yaxşıdır. Siyasi fəallıq ölkəyə, dövlətə xeyir gətirir. Əgər hər şey qanun çərçivəsində həll olunursa və qarşıdurma olmursa, bu, normal haldır".

Yenidən siyasi arenaya qayıtmaq məsələsinə gəldikdə isə Məmmədov qeyd edib ki, bu haqda hələ düşünmür.