Ceyhun Bayramov Antalyada 15-ə yaxın görüş keçirib

Ceyhun Bayramov Antalyada 15-ə yaxın görüş keçirib, bunu nazirin özü jurnalistlərə açıqlamasında deyib.

"Antalya Diplomatiya Forumunda görüşlərimiz, müzakirələrimiz başa çatmaq üzrədir. Fikrimcə, Antalya Diplomatiya Forumu bütün dünyanın marağına səbəb olan, beynəlxalq münasibətlər sistemində xüsusi yeri olan tədbirə çevrilib. 20-ə yaxın dövlət və hökumət başçısının, 80-ə yaxın xarici işlər nazirinin, həmçinin aparıcı beyin mərkəzlərinin nümayəndələrinin iştirakı ilə keçirilən panel müzakirələri maraqlı və səmərəli keçdi. Azərbaycan nümayəndə heyəti adından Antalya Diplomatiya Forumunun kifayət qədər faydalı olduğunu deyə bilərəm. Fürsətdən istifadə edərək həmkarlarımla, digər diplomatlarla 15-ə yaxın görüşlər keçirdim. Eyni zamanda Cənubi Qafqazla bağlı panel müzakirəsində də iştirak etdim. Əminəm ki, danışıqlar, müzakirələr fayda verəcək”, - Bayramov vurğulayıb.


www.anews.az