Hikmət Hacıyev Ağdam-Xankəndi yoluna gedib - VİDEO

 

"Ağdam-Xankəndi yolunun girişindəyik. Diplomatik korpus və beynəlxalq jurnalistlər qrupu yolun funksionallığı və Azərbaycan Qızıl Aypara Cəmiyyəti tərəfindən gətirilən undan ibarət iki maşın ərzaq yükü ilə tanış olacaqlar”, - Hikmət Hacıyev yazıb. 

 

Hacıyev jurnalistlərə açıqlamasıda bildirib ki, Azərbaycan ərazisində hər hansı boz zona olmayacaq. 

 

"Bəzi erməni lobbisinin tərəfdarları Azərbaycana tərəf gəliblər. Onların bu addımlarının heç bir nəticəsi olmayacaq. Bu sadəcə şou xarakterlidir. Real məsələləri yerində həll etmək lazımdır", - Prezidentin köməkçisi açıqlamasında vurğulayıb. 

 

Avqustun 29-da Hacıyev açıqlayıb ki, Ağdam-Xankəndi yolu açılandan sonra Laçın-Xankəndi yolu da açıla bilər. 

 

Azərbaycan avqustun 29-da Ağdam yolu vasitəsilə Qarabağda yaşayan ermənilərə humanitar yardım göndərib. Hələlik qarşı tərəf yardımı qəbul etməkdən imtina edir. Bununla yanaşı, avqustun 30-da Fransa Qarabağda yaşayan ermənilərə 10 yük maşını yardım göndərib.Laçın Azərbaycan tərəfi "yardım"ın keçirilməsinə icazə verməyib. 
 
Bundan əvvəl, Ermənistan Azərbaycanın icazə olmadan Laçın yolu vasitəsilə Xankəndində yaşayan ermənilərə 400 tonluq "humanitar yardım"ın aparılmasına cəhd edib. Azərbaycan tərəfi bildirib ki, Ermənistanla Ağdam yolunun istifadəsinə dair razılıq əldə olunub. Ermənistan istənilər yardımı Ağdam yolundan istifadə etməklə çatdıra bilər. 

 

Gülnar