Prezident Ərdoğana başsağlığı verib

Azərbaycan Prezidenti İlham Əliyev Türkiyənin Kahramanmaraş vilayətində məktəbə silahlı hücum nəticəsində çoxsaylı insanın həlak olması ilə bağlı Prezident Rəcəb Tayyib Ərdoğana başsağlığı məktubu göndərib.

Əliyev məktubunda hadisəni dərin kədər hissi ilə qarşıladığını bildirib və uşaqlara qarşı törədilən hücumu qətiyyətlə pisləyib.

“Məktəbə silahlı hücum nəticəsində əksəriyyəti uşaq olmaqla çox sayda insanın həlak olması və yaralanması xəbərini dərin sarsıntı ilə qarşıladıq. Uşaqlara qarşı yönəlmiş bu qəddarlıq əməlini qətiyyətlə pisləyirik”, – məktubda deyilir.

Dövlət başçısı həlak olanların ailələrinə, Türkiyə xalqına başsağlığı verib, yaralananlara şəfa arzulayıb.