Yeni səfir ilk olaraq Qarabağa səfər edəcək

Böyük Britaniyanın Azərbaycandakı səfiri Dankan Norman Qarabağın rəsmi səfər edəcəyi ilk bölgə olacağını və bunun üçün artıq müraciət etdiyini açıqlayıb.

“Qarabağ mütləq rəsmi səfər edəcəyim ilk yer olacaq. Biz artıq səfər etmək üçün müraciət təqdim etmişik. Əslində, etimadnamələrimi təqdim etdiyim günün ertəsi bu müraciəti göndərdik",- Norman deyib.

Səfir ilk növbədə Şuşaya səfər etmək istədiyini, qarşıdakı bir neçə il ərzində isə Qarabağın digər ərazilərini də görməyi planlaşdırdığını bildirib.

“Mən həqiqətən Şuşaya getmək istəyirəm, amma növbəti bir neçə il ərzində bütün Qarabağı görmək istəyirəm. Düşünürəm ki, bunu etmək həqiqətən vacibdir,”- o deyib.

Gülnar Nazimqızı