İlham Əliyev sinqapurlu həmkarına başsağlığı məktubu göndərdi

 

APA-nın məlumatına görə, məktubda deyilir: "Sinqapur Respublikasının birinci baş naziri, görkəmli dövlət xadimi Li Kuan Yunun vəfatı xəbəri məni olduqca kədərləndirdi.

 

Bu ağır itki ilə əlaqədar dərdinizə şərik çıxır, Sizə, mərhumun ailəsinə və bütün Sinqapur xalqına şəxsən öz adımdan və Azərbaycan xalqı adından dərin hüznlə başsağlığı verirəm”.

 

Qeyd edək ki, "Sinqapur iqtisadi möcüzəsi”nin banisi, ilk baş nazir Li Kuan Yu 91 yaşında vəfat edib.