Dünən Almaniya ilə matçda zədələnən Portuqaliya millisinin futbolçuları Huqo Almeyda və Fabio Koentraonun son durumları  bəlli olub.

Qol.Az-ın xarici KİV-lərə istinadən yaydığı xəbərə görə, tibbi müayinədən keçən hər iki oyunçunun zədəsi cididir.

Yığmanın həkimi Enrike Yones Almeyda və Koentraonun ən tezi on günə sağala biləcəyini deyib:

"Onların tam sağalması üç həftə də çəkə  bilər".

Qeyd edək ki, Almaniya -Portuqaliya matçı birincilərin 4:0 hesablı qələbəsi ilə başa çatıb.

Əlavə edək ki, sözügedən görüşdə Pepe də birbaşa qırmızı vərəqə aldığı üçün ən azı qrupdakı bir oyunu buraxacaq.

ANN.Az