Rus generallar erməni əsgərlərə rəqs öyrədirmiş

Azərbaycan Ordusunun silahlanması erməniləri çox narahat edir. "Bizim qonşularımız periodik olaraq yeni silahlar alırlar". Bunu Ermənistanın müdafiə naziri Seyran Ohanyan deyib. Ermənistan silahlı qüvvələri və qondarma Dağlıq Qarabağ ordusunu nəzərdə tutaraq "biz balansı 3-cü ölkənin iştirakı olmadan saxlayırıq" deyib. Onda Gümrüdəki Rusiya bazası ümumermənistan gözəllik müsabiqəsinin keçirilməsi üçün yaradılıb? Yoxsa, bu Cənubi Qafqaz ölkəsinin sərhədlərini qoruyan minlərlə rusiyalı sərhədçi boş vaxtlarında Ermənistan sakinlərinə bal rəqsləri öyrədirlər?Ermənistan rəhbərliyində artıq çoxdan bir şeyi danışıb, başqa şeyi etmək vərdiş halına düşüb. Görünür S.Ohanyan Gümrüdə ermənilərin rusiyalı hərbçilərdən təlim keçdiyini deməyi unudub. Hələ Moskvanın İrəvana verdiyi silah da çox aşağı qiymətlə satılır. Bəzən isə əhəmiyyətli strateji partnyora pulsuz verilir. Azərbaycan müstəqil dövlət kimi yeni texnikanı dünya qiymətləri ilə alır və ölkədə heç bir əcnəbi əsgər yoxdur. Ermənistanın baş hərbçisinin yeni silahlardan peşəkar istifadə edilməsi barədə iradlarına gəldikdə isə ola bilər ki, Ohanyan və onun tabeliyində olanlar Azərbaycan əsgərlərinin müasir silahlardan peşəkar istifadəsindən şəxsən əmin ola bilərlər.//Anspress