Vladimir Zelenski: “Rusiya son illərin ən böyük itkisini yaşayır”
12.03.2022 16:43
Ukrayna prezidenti Vladimir Zelenski xalqa yeni videomüraciət edib. Şənbə günü o, həm cəbhədə, həm də rus qoşunlarının işğal etdiyi ərazilərdə mübarizənin intensivliyini azaltmamağa və müqaviməti davam etdirməyə çağırıb.
"Səhərdən insanlar, vətəndaşlarımız həmişə Ukraynanın olacağı Melitopolda rus qoşunlarına qarşı növbəti etiraz aksiyasına toplaşıblar. Şəhəri diz çökdürmək cəhdlərinə qarşı etiraz edirlər. Meydanda iki mindən çox insan var", - Zelenski bir qədər boğuq səslə deyib.
"İşğalçılar bilməlidir ki, onlar bizim torpaqlarımızda, bütün Ukrayna torpaqlarında yaddırr və biz onları heç vaxt qəbul edilməyəcəyik”.
"Moskvadakılar zəhmət olmasa bunu eşidin! Melitopolda işğala iki min nəfər etiraza çıxırsa, müharibəyə qarşı neçə nəfər olmalıdır? Düzünü deyin, ədalətli olun?"
Zelenski deyib ki, hökumət parlamentə yanacağa ƏDV və aksizlərin azad etməyi təklif edib ki, ordu, əhali və əkin mövsümü üçün fermerlərə kifayət qədər benzin və dizel yanacağı çatsın.
"Bu, Vətən müharibəsidir. Bu, xalq müharibəsidir. Bu, bizim müharibəmizdir. Müstəqilliyimiz uğrunda müharibədir. Və təkcə dövlətin deyil, olmuş, olan və dünyada olacaq bütün ukraynalıların müharibəsidir!", - Zelenski deyib.
Onun sözlərinə görə, Rusiya son illərin ən böyük itkisini yaşayır.
"Biz bütün gücümüzü müdafiəyə sərf etməliyik. Bu, vətən, millət və müstəqillik müharibəsidir. Ukrayna hərbçiləri Mariupoldakı humanitar dəhliz üçün atəşkəsə riayət edir. Rusiyadan da eyni davranışı gözləyirik. Avropa İttifaqına üzvlük üçün Avropa Komissiyası ilə çalışırıq. Avropa İttifaqından Rusiyaya yeni sanksiyalar paketi gözləyirik”, - dövlət başçısı bildirib.
Fevralın 24-dən Rusiya Ukraynaya qarşı hərbi əməliyyatlara başlayıb və bu günə kimi müharibə davam etməkdədir.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
