ABŞ Rusiya ilə bağlı plan hazırlayır - “New York Times”

"New York Times” yazır ki, Ağ Ev Rusiyanın kimyəvi, bakterioloji və ya nüvə silahlarından istifadəyə əl atacağı təqdirdə Vladimir Putinin davranışı və NATO-nun reaksiyası üçün mümkün ssenarilər hazırlayan gizli işçi qrup yaradıb.

Milli təhlükəsizlik ekspertlərinin daxil olduğu "Tiger Team” adlanan qrup, mümkün cavabları yoxlamaq üçün fevralın 28-dən simulyasiya təlimləri keçirir.

Qəzetin adının açıqlanmasını istəməyən mənbələrinə görə, qrup Putinin NATO ərazisinə hücumu halı üçün də  cavab tədbirləri hazırlayır. Məsələn Rusiya qoşunlarının Ukraynaya başqa ölkələrdən silah yardımı gətirən maşın karvanlarına hücumunun fa qarşısı alınacaq. 

Həftədə üç dəfə toplaşan işçi qrup Rusiyanın qonşu ölkələrə, o cümlədən Moldova və Gürcüstana hücuma hazırlığını da araşdırır.

Qəzet yazır ki, cəmi bir ay əvvəl belə ssenarilər kifayət qədər hipotetik görünürdü. Amma bu gün həm Ağ Ev, həm də NATO-nun baş qərargahı başa düşür ki, Rusiya düşdüyü  çıxılmaz vəziyyətdən çıxmaq üçün öz arsenalındakı ən güclü silahdan istifadə edə bilər.

Çərşənbə günü, martın 23-də həm Bayden, həm də NATO-nun baş katibi Yens Stoltenberq Rusiyanın Ukraynada kimyəvi silahdan istifadə etməyə hazırlaşması ilə bağlı daxil olan məlumatların  sayının artdığını açıqyıblar.

 NATO üzvü olan ölkələrin liderləri və ABŞ prezidenti Co Baydenin iştirakı ilə  Brüsseldə keçirilən toplantıda bütün mümkün ssenarilər müzakirə ediləcək.

Görüş bağlı qapılar arxasında, köməkçilər və mobil telefonlar olmadan keçiriləcək və bu, Rusiya-Ukrayna müharibəsi başlayandan bəri bütün NATO başçılarının ilk görüşü olacaq.