İstanbulda Rusiya-Ukrayna danışıqları başlayıb
29.03.2022 11:11
Türkiyənin İstanbul şəhərində Ukrayna və Rusiya nümayəndə heyətlərinin növbəti görüşü başlayıb. Danışırlar Dolmabaxça sarayında keçirilir. Bu barədə BBC xəbər verir.
Ukrayna nümayəndə heyətinə Ukrayna prezidentinin müşaviri Mixail Podolyak, müdafiə naziri Oleksiy Reznikov, hakim "Xalqın xidmətçisi” Partiyasının Ali Radadakı deputat fraksiyasının rəhbəri David Arxamiya daxildir.
Rusiya nümayəndə heyətinə Prezident Vladimir Putinin köməkçisi Vladimir Medinski başçılıq edir. Heyətin tərkibinə xarici işlər nazirinin müavini Andrey Rudenko, Moskvanın Belarusdakı səfiri Boris Qrızlov, Dövlət Dumasının Beynəlxalq Komitəsinin rəhbəri Leonid Slutski və müdafiə nazirinin müavini Aleksandr Fomin daxildir.
Görüşün əvvəlində Medinski və Arxamiya təkbətək görüşüblər.
İş adamı Roman Abramoviç Rusiya ilə Ukrayna arasında danışıqların aparıldığı Dolmabağça sarayındadır.
Rusiyanın dövlət agentliyi RİA Novosti xəbər verir ki, Abramoviç Türkiyə prezidenti Ərdoğan və Türkiyənin xarici işlər naziri Çavuşoğlu ilə görüşüb.
Bundan əvvəl Wall Street Journal öz mənbələrinə istinadən yazıb ki, Abramoviç və Ukrayna tərəfini danışıqlarda təmsil edən nümayəndələrdə martın 3-də baş tutan görüşdən sonra zəhərlənmə əlamətləri aşkarlanıb.
Müzakirələrin 2 gün davam edəcəyi gözlənilir.
İki ölkə arasında danışıqların ilk üç raundu fevralın 28-də, martın 3-də və 7-də Belarus ərazisində keçirilib.
İlk görüş Qomel vilayətində, sonrakı iki görüş isə Polşa ilə sərhəddə yerləşən Beloveja meşəsi ərazisində baş tutub. Sonrakı günlərdə tərəflər görüşləri videokonfrans formatında davam etdiriblər.
Ləman Qasımova
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
