Ukrayna Britaniyadan zirehli texnika alacaq
07.04.2022 11:34
Ukrayna Böyük Britaniyadan "Mastiff” və "Çakal” zirehli texnika alacaq. Bu barədə The Times məlumat verir.
Britaniya Müdafiə Nazirliyi hesab edir ki, "Mastiff” tipli zirehli maşınlar kəşfiyyat və uzaq məsafəli patrul kimi istifadə edilə bilən nəqliyyat vasitəsidir.
Mastiff BTR-nin iki yan qapıs var və 6-8 nəfərlik tam təchiz olunmuş hərbçi üçün nəzərdə tutulub. Texnika 7,62x51 mm çaplı atıcı silahlardan və döyüş sursatı parçalarından qorunmanı təmin edə bilir.
Eyni zamanda həmin texnikadan istifadə bacarıqlarını öyrətmək üçün britaniyalı hərbçilə Ukraynaya göndəriləcək. Tank əleyhinə və zenit raketləri də daxil olmaqla əlavə dəstək barədə məumatı Böyük Britaniya yaxın günlərdə açıqlayacaq.
Böyük Britaniyanın baş naziri Boris Conson Odessanı qorumaq və Rusiya prezidenti Vladimir Putinin Ukraynanın cənubunda planlarını pozmaq üçün Ukraynaya silah ixrac etmək niyyətində olduğunu bildirib.
Aprelin 3-də Ukrayna prezidenti Zelenski və Böyük Britaniyanın baş naziri Boris Conson Ukraynaya yeni müdafiə yardımı paketi ilə bağlı razılığa gəliblər.
Zelenski bildirib ki Böyük Britaniyanın dəstəyi açıq şəkildə hiss olunur. O, Britaniyanın Ukraynaya yeni müdafiə dəstəyi və yeni paketi haqqında razılığa gəldiklərini təsdiqləyib.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
