Putin "Buça" hadisələrini saxta adlandırdı
12.04.2022 17:43
Rusiya prezidenti Vladimir Putin "Vostoçnı” kosmodromunda Belarus prezidenti Aleksandr Lukaşenko ilə danışıqlardan sonra keçirilən mətbuat konfransında Ukraynanın Kiyev vilayətinin Buça şəhərindəki vəziyyətin saxta olduğunu bildirib.
O, Buçada baş verənləri Suriyada Bəşər Əsəd hökumətinə qarşı təxribatlarla müqayisə edib.
Bundan əvvəl Belarus prezidenti Aleksandr Lukaşenko Ukrayna Buçasında baş verən insidenti Böyük Britaniyanın xüsusi əməliyyatı adlandırıb.
Aprelin 1-də Kiyev yaxınlığındakı Buça şəhərini Rusiya qoşunlarından azad edən Ukrayna ordusu binaları dağıdılmış, meyitlərlə dolu şəhərlə qarşılaşıb. Kiyev yaxınlığında azad edilmiş yaşayış məntəqələrində 410 mülki şəxsin cəsədi tapılıb. Cəsədlərin fotoları qısa müddətdə yayılıb və bir çox ölkə rəsmisi bu fotolara reaksiya verib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
