Türkiyədə erməni və assori kilsələri bərpa edilib

Məlumata görə, PKK-nın 2015-ci ildə törətdiyi terror hücumları nəticəsində Surdakı Surp Giragos erməni və Mar Petyun kəldani (xaldey) kilsələri dağılıb.

Bu kilsələr Türkiyənin Ümumi Vəqflər İdarəsinin balansındadır. Türkiyə Prezidenti Rəcəb Tayyib Ərdoğanın göstərişi əsasında 2019-cu ildə Türkiyənin Ekologiya, Şəhərsalma və İqlim Dəyişiklikləri Nazirliyi tərəfindən onların bərpasına başlanılıb. Bərpa-təmir işlərinə 32 milyon türk lirəsi (2 milyon 150 min dollara yaxın) maliyyə vəsaiti xərclənib.

Mayın 7-də kilsələrin açılışı olacaq.

Surp Giragos erməni kilsəsi vəqfinin sədri Ergün Ayık bildirib ki, 2010-cu ilə qədər ora xaraba vəziyyətdə olub.

 

"2012-ci ildə kilsə tamamilə bərpa olunub. Təəssüf ki, 2015-ci ildəki hadisələr zamanı kilsəyə yenidən zərər dəydi. Bu səbəbdən kilsə 2019-cu ilədək bağlı qalıb”, - o deyib.