Putin anti-Rusiya sanksiyalarının çətinliyindən danışıb

Rusiya prezidenti Vladimir Putin Moskvaya qarşı tətbiq edilən sanksiyaların hər kəsə təsir etdiyini bildirib. Bu barədə RİA Novosti məlumat yayıb.

Onun sözlərinə görə, sanksiyaların tətbiqi hətta sabit iqtisadi siyasət aparan ölkələrə də təsir edir.

"Dünya iqtisadiyyatının hazırkı vəziyyəti göstərir ki, bizim mövqeyimiz düzgün və haqlıdır. Makroiqtisadi göstəricilərə baxsanız belə. Bu inkişaf etmiş iqtisadiyyatlarda 40 ildir ki, belə inflyasiya olmayıb, işsizlik artır, zəncirlər qırılır, qlobal böhranlar güclənir”, - deyə Putin Avrasiya İqtisadi Forumunun plenar iclasında çıxışı zamanı bildirib.

Rusiya haqqında danışan Putin etiraf edib ki, sanksiyalar ölkədə bir sıra çətinliklərə gətirib çıxarır, eyni zamanda onu müəyyən mənada daha da gücləndirir.

Bundan əvvəl Rusiya prezidenti logistikaya qənaət tədbirlərindən danışıb. Xüsusilə o, Qərbin sanksiyalarına baxmayaraq ölkə iqtisadiyyatının açıq olacağını bildirib.

www.anews.az