Səfir Türkiyəni oğurlanmış taxıl almaqda ittiham etdi

Bodnar Reuters agentliyinə bildirib ki, o, Türkiyə səlahiyyətlilərindən və İnterpoldan Türkiyə ərazi sularından qanunsuz taxıl daşınmasında iştirak edənlərin araşdırılmasını və müəyyən edilməsini xahiş edib. Səfirlik xüsusilə iddia edir ki, oğurlanmış yük mayın sonunda Suriyanın Latakiyadakı əsas dəniz limanına yanaşan Rusiya bayraqlı "Matros Pozyniç” gəmisinin göyərtəsində olub.

Türkiyə Ukraynadakı müharibənin həllində fəal iştirak etməyə hazır olduğunu dəfələrlə bəyan edib. İyunun 2-də Türkiyənin "Anadolu” agentliyi xəbər verib ki, Rusiya, Ukrayna, Türkiyə və BMT taxıl daşıyan gəmilərin Ukrayna limanlarından çıxışını təmin etmək üçün birgə "yol xəritəsi” hazırlayıb.

Kremlin sözçüsü Dmitri Peskov cümə günü bildirib ki, xarici işlər naziri Sergey Lavrov gələn həftə "Ukrayna taxılının gündəmin əsas mövzusu olacağı” Türkiyəyə səfər edəcək.

Peskov deyib ki, taxıl tədarükü ilə bağlı problemlər Cümə günü Vladimir Putinlə Afrika İttifaqının sədri, Seneqal prezidenti Makki Sall arasında keçiriləcək görüşdə də əsas mövzulardan biri olacaq.

Müharibədən əvvəl Ukrayna ixracatının 90%-i dərin sulu Qara dəniz limanlarından keçirdi. Rusiya Ukraynanın sahil zolağının böyük hissəsini ələ keçirib və sahilin qalan hissəsinə flotiliya və sualtı qayıqlar yerləşdirib. Bu səbəbdən limanlar indi fəaliyyət göstərə bilmir, gəmilər taxıl daşımır.


www.anews.az