Avropa Cüdo Birliyinə yeni prezident seçilib
18.06.2022 21:30
Macarıstan təmsilçisi Laslo Tot Avropa Cüdo Birliyinin yeni prezidenti seçilib. Bu barədə qərar Avstriyanın paytaxtı Vyanada Avropa Cüdo Birliyinin (EJU) növbədənkənar konqresində açıqlanıb.
51 üzv ölkənin 49-nun iştirak etdiyi tədbirə Azərbaycan Cüdo Federasiyasının vitse-prezidenti Elnur Məmmədli və baş katib Rəşad Rəsullu qatılıblar.
Beynəlxalq Cüdo Federasiyasının (IJF) prezidenti Marius Vizerin də iştirak etdiyi Konqresdə EJU-nun prezidenti və İdarə Heyətinə seçkilər baş tutub. Prezident seçilən, 62 yaşlı Laslo Tot 24 ildən çoxdur ki, Macarıstan Cüdo Assosiasiyasına rəhbərlik edir və 7-ci dan dərəcəsinə malikdir.
Üzvlərin səsverməsi nəticəsində həmçinin, Avstriya təmsilçisi Martin Poyger təşkilatın baş katibi və Malta təmsilçisi Envik Qalea isə qurumun xəzinədarı vəzifələrinə seçiliblər.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
