Putin qadın olsaydı, müharibəni başlatmazdı - Boris Consondon açıqlama

 

"Toksik maskulinliyin" ideal nümunəsini istəyirsinizsə, Putin Ukraynada bunu edir", - o deyib.

 

O, gender bərabərliyi və təhsilin vacibliyindən danışarkən "hakimiyyətdə daha çox qadına ehtiyacınız var", - deyə bildirib.

 

Conson həmçinin bildirib ki, G7 liderləri Ukraynada müharibənin sona çatmasını "çarəsizcəsinə” istəsələr də, hazırda "heç bir razılaşma mövcud deyil”.

Lakin o, həm də liderlərin razılığa "yaxınlaşdığı" üçün sammiti "inanılmaz" adlandırdı.

Conson vurğulayıb ki, Qərb Ukraynanın hərbi strategiyasını dəstəkləməlidir ki, Prezident Zelenski Rusiya ilə danışıqlarda "mümkün olan ən yaxşı mövqeyə” çatsın.

 

Rusiya 2014-cü ilin fevralında Ukraynanın Krım Muxtar Respublikasını ilhaq edib. Bundan sonra Ukraynanın Donbas bölgəsində hərbi əməliyyatlara başlayıb. 2022-ci ilin fevralın 21-də Rusiya Prezidenti Vladimir Putin xalqa müraciətində Ukraynanın Donbas ərazisində yaradılan iki qondarma respublikanı tanıdığını bildirib. O, bununla bağlı fərman imzalayıb.

Rusiya cari ilin fevralın 24-də Ukraynaya hücum edib. Bu müddət ərzində ölkənin bir sıra şəhər və qəsəbələri dağıdılıb, minlərə adam həlak olub, milyonlarla insan ölkədən qaçqın düşüb.

Beynəlxalq aləm Rusiyanın bu addımını pisləyir və qoşunlarını Ukraynadan çıxarmağa çağırır. Rəsmi Moskva isə qonşu Ukraynaya qarşı apardığı müharibəni "xüsusi hərbi əməliyyat" adlandırır. Bundan başqa "müharibə" sözündən istifadə edənlər, "müharibəyə yox" deyənlər, o cümlədən Rusiya müdafiə nazirliyinin rəsmi məlumatlarından fərqli xəbərlər verən fərdlər və KİV-lər cəzalandırılır. Azərbaycan daxil olmaqla, BMT üzvlərinin mütləq əksəriyyəti Krım yarımadası və Donbası Ukraynanın ərazisi olaraq tanıyır. (bbc)