Ötən ilin dekabrında sərhəddə 7 milyon 342 min manat qaçaqmal, 150 kq kürü saxlanılıb

Dövlət Sərhəd Xidməti (DSX) tərəfindən 2022-ci ilin dekabr ayı ərzində qaçaqmalçılıq fəaliyyətinə qarşı mübarizə çərçivəsində həyata kеçirilən tədbirlər nəticəsində ümumi dəyəri təqribən 7 milyon 342 min manat оlan qaçaqmal, о cümlədən 3 kiloqram 692 qram qızıl-zinət əşyaları, 150 kiloqram farel balığının kürüsü, bir ədəd pnevmatik tapança, bir ədəd "Hatsan” tir tüfəngi və ona məxsus 264 ədəd qırma, müxtəlif tərkibli dərman preparatları, tütün məmulatları və xarici ölkə valyutaları saxlanılıb.

Bu barədə DSX-nin Mətbuat Mərkəzindən bildirilib.