“Şahdəniz”ə birinci rübdə çəkilən xərclərin həcmi açıqlanıb
04.05.2023 13:56
2023-cü ilin birinci rübündə "Şahdəniz” qaz-kondensat yatağı üzrə fəaliyyətlərə təxminən 678 milyon dollar əməliyyat xərcləri çəkilib.
Bu barədə BP-nin birinci rübünün nəticələrinə dair hesabatında bildirilib.
Bildirilir ki, xərclərin böyük əksəriyyəti "Şahdəniz-2” layihəsinə aid olub.
""Şahdəniz” yatağından Azərbaycan (Azərkontrakt ASC-yə), Gürcüstan (GOGC şirkətinə), Türkiyə (BOTAŞ şirkətinə) bazarlarına ümumilikdə - "Şahdəniz Alfa” və "Şahdəniz Bravo” platformalarından birlikdə təqribən 7 milyard kubmetr qaz və 1 milyon tondan çox kondensat hasil edilib.
Ümumilikdə "Şahdəniz-2” çərçivəsində 21 quyu qazılıb. Bunlara yatağın şimal cinahında beş quyu, qərb cinahında dörd quyu, şərq-cənub cinahında dörd quyu, qərb-cənub cinahında beş quyu və şərq-şimal cinahında üç quyu daxildir”, - hesabatda qeyd olunur.
2023-cü ilin yanvar-martında Azərbaycanda neft hasilatı 7,7 milyon ton, qaz hasilatı 12,2 milyard kubmetr təşkil edib. Bunun 1,9 milyon ton neft və 2,2 milyard kubmetr qaz isə Azərbaycan Dövlət Neft Şirkətinin payına düşüb.
Aytac
www.anews.az
Foto 
Video 
