Ukraynanın beynəlxalq ehtiyatları rekord həddə - 35,9 milyard dollara yüksəlib

Ukraynanın beynəlxalq ehtiyatları apreldə 35,9 milyard dollara yüksəlib ki, bu da son 11 ildə rekord həddə çatıb. Bu barədə Ukrayna Milli Bankının (NBU) saytında məlumat verilib.

"2023-cü il mayın 1-nə Ukraynanın beynəlxalq ehtiyatları, ilkin məlumatlara görə, 35 943,2 milyon dollar təşkil edib. Bu ehtiyatların həcmi son 11 ilin rekordudur", - nəşr qeyd edib.

NBU-nun məlumatına görə, aprelda ehtiyatlar, xüsusən də beynəlxalq yardım hesabına 13% artıb. Belə ki, aprelda hökumətin Milli Bankdakı valyuta hesablarına 5,85 milyard dollar daxil olub, bunun 2,7 milyard dolları BVF, 1,65 milyard dolları Avropa İttifaqının makromaliyyə yardımı, 1,25 milyard dolları isə – daxili dövlət kreditinin xarici valyuta istiqrazlarının yerləşdirilməsi sayəsində.

Martın sonunda Ukrayna Mərkəzi Bankının rəhbəri Aleksiy Pışnı bildirib ki, Ukrayna hakimiyyəti Rusiya ilə hərbi əməliyyatları maliyyələşdirmək üçün milli valyutanın (qrivnanın) "təhlükəli” buraxılması variantını daha nəzərdən keçirməyəcək. Bu alət (yeni qrivnaların çapı) yerli iqtisadiyyat üçün arzuolunmazdır.


www.anews.az