İstehlakçı hüquqlarının müdafiəsi ilə bağlı müraciətlərin sayı açıqlanıb
08.05.2023 11:25
2023- cü ilin yanvar-aprelində Azərbaycanda istehlakçı hüquqlarının müdafiəsi ilə bağlı təmin olunmuş müraciətlər üzrə 110 085 manat vəsait istehlakçılara geri qaytarılıb. Bunu İqtisadiyyat Nazirliyi yanında Antiinhisar və İstehlak Bazarlarına Nəzarət Dövlət Xidmətinin rəisi Məmməd Abbasbəyli özünün tviter hesabında yazıb.
O bildirib ki, Dövlət Xidməti istehlakçıların 884 müraciətini təmin edib.
Bu dövrdə 15 205 manat məbləğində dəymiş ziyan ödənilib.
2022-ci ildə Dövlət Xidmətinə istehlakçı hüquqlarının müdafiəsi ilə bağlı 4436 müraciət daxil olub.
Təmin edilmiş müraciətlər əsasında qanun pozuntusuna yol vermiş təsərrüfat subyektləri tərəfindən istehlakçılara 318 min manat vəsait geri qaytarılıb, 20 min manatadək dəymiş zərər ödənilib.
İstehlakçıların hüquqlarının müdafiəsi sahəsində dövlət siyasətinin əsası ümummilli lider Heydər Əliyevin təşəbbüsü ilə 1995-ci il sentyabrın 19-da "İstehlakçıların hüquqlarının müdafiəsi haqqında” Azərbaycan Respublikası Qanununun qəbul edilməsi ilə qoyulub.
Aytac Zeynalova
www.anews.az
Foto 
Video 
