Azərbaycanın valyuta ehtiyatları xarici borcunu 10 dəfə üstələyir

"Son 20 ildə Azərbaycan  iqtisadiyyatı  üç dəfə artıb. Bu gün Azərbaycanın valyuta ehtiyatları 65 milyard dollara çatıb, ölkənin xarici borcu isə 6 milyard dollardan bir qədər artıqdır. Beləliklə, ölkənin valyuta ehtiyatları xarici borcunu təxminən 10 dəfə üstələyir”, -  Əliyev çərşənbə günü xalqa müraciətində bildirib.

Dövlət başçısı onu da vurğulayıb ki, Azərbaycanın xarici borcu ÜDM-in cəmi 9-10 faizini təşkil edir.

"Bütün bunlar onu göstərir ki, biz hamıdan müstəqilik. Biz heç kimin işinə qarışmırıq, lakin öz işimizə qarışmağa icazə verməmişik və verməyəcəyik. Həm siyasi, həm də iqtisadi məsələlərdə tam sərbəstik”, - Əliyev əlavə edib.