Azərbaycanda inflyasiya yavaşladı

"Apreldə Azərbaycanda inflyasiya 0,3% təşkil edib. Eyni zamanda, ərzaq məhsulları, içkilər və tütün məmulatlarının qiymətləri 0,3 faiz, qeyri-ərzaq mallarının qiymətləri 0,3 faiz, xidmətlərin qiymətləri 0,4 faiz bahalaşıb”, - Dövlət Statistika Komitəsi bildirilib.

2023-cü ilin aprelində 2022-ci ilin apreli ilə müqayisədə inflyasiya (12 aylıq) 12,8% təşkil edib. Bununla yanaşı, 2023-cü ilin aprelində 2022-ci ilin aprelinə nisbətən ərzaq məhsulları 15,1 faiz, qeyri-ərzaq məhsulları 11,3 faiz, xidmətlər 10,7 faiz bahalaşıb.

Statistikaya görə, apreldə ət və ət məhsulları 1,4%, süd məhsulları 0,1%, meyvələr 2,3%, mürəbbə, bal, şokolad və şirniyyatlar 0,3%, şəkər, çay və kakao 0,2% , mineral və sərinləşdirici içkilər - 0,6%, spirtli içkilər - 0,4%, tütün məmulatları - 3,3% bahalaşıb.

Apreldə çörək, çörək məhsulları və dənli bitkilərin qiymətləri 0,5%, balıq və balıq məhsullarının qiymətləri 0,6%, yumurta 2,8%, kərə yağı və bitki yağları 0,6%, tərəvəzlərin qiymətləri 1,7% ucuzlaşıb.

Statistikaya görə, 2023-cü ilin aprelinın sonunda orta illik inflyasiya martın sonundakı 13,8%-ə qarşı 13,5%-ə enib. Eyni zamanda, ərzaq məhsullarının qiymətlərinin orta illik artımı 16,6%, qeyri-ərzaq mallarının qiymətlərinin 11,8%, xidmətlərin qiymətlərinin 10,7% təşkil edib.

İqtisadiyyat Nazirliyinin proqnozlarına görə, 2023-cü ildə Azərbaycanda orta illik inflyasiya 6,9% təşkil edəcək.

2022-ci ildə Azərbaycanda orta illik inflyasiya 13,9% təşkil edib.