Azərbaycanın türk dövlətləri ilə ticarət dövriyyəsi artıb

2023-cü ilin yeddi ayında Azərbaycanın türk dövlətləri ilə ticarət dövriyyəsi 5 milyard 666.1 milyon dollar təşkil edib, bu da ötən ilin eyni dövrü ilə müqayisədə 41.9% və ya 1 milyard 673.3 milyon dollar çoxdur.  Bu barədə Dövlət Gömrük Komitəsi məlumat yayıb.

Hesabat dövründə Azərbaycanın Türkiyə ilə ticarət dövriyyəsi illik müqayisədə 40.5% artaraq 4 milyard 746.1 milyon dollara, Türkmənistanla ticarət dövriyyəsi 3.6 dəfə artaraq 568 milyon 54.48 min dollara, Qırğızıstanla ticarət dövriyyəsi 4.8 dəfə artaraq 21.6 milyon dollara, Qazaxıstanla ticarət dövriyyəsi 32% azalaraq 237.9 milyon dollara, Özbəkistanla ticarət dövriyyəsi isə 10.9% azalaraq 92.4 milyon dolara çatıb.

 

2022-ci ildə Azərbaycan 178 ölkə tərəfdaşları ilə ticarət əməliyyatları həyata keçirib. Eyni zamanda 121 ölkəyə məhsul ixrac edib, 164 ölkədən isə idxal olub.

 

Aytac