Azergold ASC qızıl istehsalını artırıb
22.04.2024 15:14
"AzerGold” Qapalı Səhmdar Cəmiyyəti (QSC) 2024-cü ilin birinci rübündə şirkət 11,5 min unsiya qızıl və 25,5 min unsiya gümüş hasil edib ki bu da 2023-cü ilin eyni dövrü ilə müqayisədə uyğun olaraq 58% və 25% çoxdur. Bu barədə Azərgold ASC məlumat yayıb.
Cari ilin ilk üç ayında qızıl hasilatı üzrə plan 2 faiz, gümüş hasilatı üzrə isə 1 faiz artıqlaması ilə yerinə yetirilib.
Həmçinin, cari ilin birinci rübündə səhmdar cəmiyyət tərəfindən yerli və beynəlxalq bazarlarda 6,6 min unsiya qızıl və 23,7 min unsiya gümüş satılıb, nəticədə ölkə iqtisadiyyatına 25,2 milyon manat vəsait cəlb edilib.
1 aprel 2024-cü il tarixinə qiymətli metalların daxili və xarici bazarlarda satışı nəticəsində QSC-nin əldə etdiyi ümumi gəlir 1 milyard 213 milyon 911 min manat olub. Bunun 1 milyard 158 milyon 829 min manatı ixracdan, 55 milyon 82 min manatı isə daxili bazarda satışdan əldə edilən gəlirlərdir.
"AzerGold” QSC 2024-cü ilin sonuna kimi 70 min unsiya qızıl hasil edib satmağı planlaşdırır. Bu, 2023-cü ilin göstəriciləri ilə müqayisədə istehsalda 10%, satışda isə 3% çoxdur.
Azərgol ASC 2015-ci il fevralın 15-də prezident İlham Əliyevin sərəncamı ilə yaradılıb.
N.Təbrizli
www.anews.az
Oxşar xəbərlər
Oxşar xəbərlər
Siyasət
17:42
Özbəkistanın enerji keçidi üzrə yol xəritəsi regional yaşıl enerji əməkdaşlığını gücləndirəcək – AREA
İqtisadiyyat
17:15
Türkiyə 2035-ci ilədək günəş və külək enerjisi gücünü 120 giqavata çatdırmağı hədəfləyir
İqtisadiyyat
17:05
Mərkəzi Asiya–Azərbaycan Yaşıl Enerji Dəhlizi regionun enerji inteqrasiyasında əsas layihədir
İqtisadiyyat
16:04
Avropa Komissiyası: Beynəlxalq tərəfdaşlıqlar qlobal enerji təhlükəsizliyinin təmin edilməsində həlledici rol oynayır
Foto 
Video 
