İcra başçısı səyyar qəbul keçirib
08.06.2024 16:14
Azərbaycan Respublikasının Prezidenti İlham Əliyevin vətəndaşların müraciətlərinin həlli ilə bağlı göstərişinə uyğun olaraq paytaxtın Yasamal rayonunda sakinlər üçün iyun ayı üzrə növbəti səyyar qəbul keçirilib.
Yasamal Rayon İcra Hakimiyyətinin başçısı Elşad Həsənovun sakinlərlə görüşü rayondakı 18 nömrəli məktəbin akt zalında baş tutub.Tədbirdə həmçinin Yasamal RİH-in vəzifəli şəxsləri, Bələdiyyə və MKTB rəhbərləri də iştirak ediblər.
Sakinləri salamlayan İcra Hakimiyyətinin başçısı Elşad Həsənov onlardan təklif və müraciətləri bərədə ətraflı məlumat verməyi xahiş edib.Öncə söz alan Yasamal rayonunun sakinləri Azərbaycan Respublikasının Prezidenti İlham Əliyevə vətəndaşların hakimiyyət orqanları tərəfindən mütəmadi qəbuluna dair tapşırığına görə dərin minnətdarlığını ifadə ediblər.
Daha sonra Yasamal rayonunun sakinləri məşğulluq, kommersiya obyektlərinin fəaliyyəti, məhkəmə qərarlarının icrası, mənzil-məişət şəraitinin yaxşılaşdırılması, istismar müddəti bitmiş evlərin söküntüsü,yol infrastrukturunun təkmilləşdirilməsi, həyətlərin abadlaşdırılması və müxtəlif məsələləri əhatə edən digər mövzular qaldırıblar.
İcra başçısı Elşad Həsənov qəbul zamanı müraciət edən rayon sakinlərini dinləyərək onların problemlərinin aradan qaldırılmasına dair RİH əməkdaşlarına bir sıra konkret göstərişlər verdi. İcra başçısı həmçinin sakinləri maraqlandıran suallara ətraflı cavab və izahatlar verdi. Qəbul zamanı bəzi məsələlər yerindəcə həll edildi, icrası vaxt tələb edən müraciətlər isə araşdırılaraq həll edilməsi üçün icraata götürüldü.www.anews.az
Son xəbərlər 
Daha çox
Foto 
Video 
