Qarabağ separatçısının oğlunun məhkəməsi təxirə salınıb

 

Levon Köçəryan ötən il sentyabrın 22-də İrəvanda müxalifətin mitinqində saxlanılı. Daha sonra ona qarşı polis əməkdaşına qarşı zorakılıq tətbiq etmək ittihamı irəli sürülüb.

Levon Köçəryanın vəkilləri müdafiə etdikləri şəxsin heç bir qanunsuz hərəkətə yol vermədiyini və bunun ona qarşı siyasi təqib olduğunu iddia edirlər.

 

Robert Köçəryan hazırda Ermənistanın baş naziri Nikol Paşinyana qarşı müxalifətdə durur. Əssən ruspərəst kimi Ermənistan ictimaiyyətində tanın Robert Köçəryan Paşinyanın qərbyönlü siyasətinə qarşı çıxışlar edir. 

 

Azərbaycan Qarabağ separatçılarının liderləri olan Ermənistanın sabiq prezidentləri Robert Koçəryan və Serj Sarqsyan barədə axtarış elan edib.

 

Hər iki şəxs Cinayət Məcəlləsinin müvafiq maddələri ilə cinayət məsuliyyətinə cəlb edilib. 

Adıçəkilən şəxslər 1988-ci ilin fevralında  Azərbaycan və erməni xalqları arasında milli düşmənçilik salmaq, nifrət oyatmaq niyyəti ilə Xankəndi şəhərinin təşkilat və müəssisələrində erməni milliyyətindən olan işçiləri yığıb iclaslar keçirib, Qarabağın ermənilərə məxsus olduğunu və orada yalnız ermənilərin yaşamalı olduğunu bildirib, azərbaycanlıları işdən qovub, Dağlıq Qarabağdan zorla köçürərək evlərini yandırmağı təbliğ ediblər.

 

Həmin şəxslər qondarma "Dağlıq Qarabağ Respublikası”nın elan olunması barədə qanunsuz qərar qəbul etdiklərinə və digər cinayətlər törətdiklərinə görə Azərbaycan Cinayət Məcəlləsinin müvafiq maddələri ilə cinayət məsuliyyətinə cəlb edilib və axtarışa veriliblər.