Rubl yenə çöküb
11.12.2024 21:28
Bir neçə günlük güclənmədən sonra rublun məzənnəsi yenidən kəskin ucuzlaşıb. Bu barədə The Moscow Times məlumat yayıb.
Dekabrın 11-də Forex bazarında 1 dollar 7 rubla yaxın bahalaşaraq 108,72 rubla bərabər olub. Bu da dekabrın 2dən bəri qeydə alınan maksimum göstəricidir.
Avronun məzənnəsi 5,5 rubl artaraq 114 rubla bərabər olub.
Moskva Birjasında yuanın məzənnəsi isə 2%-dən çox bahalaşaraq həftənin sonundan bəri ilk dəfə 14 rubl təşkil edib. : "Səhər" hesablaşmaları üzrə müqavilələr yuan üçün 14,06 rubl məzənnəsi ilə bağlanıb.
İnvesbankçı Yevgeni Koqanın sözlərinə görə, rublun yeni enişi ABŞ-ın potensial sanksiyaları ilə bağlı ola bilər.
Daha əvvəl Bloomberg xəbər vermişdi ki, Co Bayden administrasiyası Rusiyanın neft ixracına qarşı məhdudiyyətləri İran səviyyəsinə qədər sərtləşdirmək imkanını nəzərdən keçirir.
Noyabrın sonunda rubl 2022-ci ilin martından bəri ən aşağı səviyyəyə düşərək dollara qarşı 114 rubldan, avroya qarşı 120 rubldan, yuana qarşı isə 15,2 rubldan yuxarı olub.
N.Təbrizli
www.anews.az
Foto 
Video 
