ABŞ Britaniya avtomobillərinə rüsumları azaldacaq

ABŞ Britaniya avtomobil məhsullarına rüsumları 27,5 %-dən 10 %-ə endirəcək.Bu barədə Böyük Britaniyanın Baş naziri Kir Starmer bildirib.

Hökumət başçısının sözlərinə görə, tərəflərin bağladığı ticarət sazişi ildə 100 min Britaniya avtomobili üçün kvota nəzərdə tutur və bu kvotadan 10 faiz rüsum alınacaq.

“Böyük Britaniya istehsalçıları yüksək standartlarını pozmadan ABŞ bazarına xüsusi çıxış əldə edəcəklər”, - Starmer deyib.

ABŞ-nin ticarət naziri Hovard Latnik vurğulayıb ki, kvota keçilsə, avtomobillərə rüsum 25 % səviyyəsində olacaq.ABŞ “Rolls Royce” təyyarələri üçün mühərrikləri və ehtiyat hissələrini rüsumsuz almağa hazırdır. Britaniya tərəfi isə “Boeing”dən 10 milyard dollara təyyarələr almağa razılaşıb.